Bileraren helburu nagusia Donostiaren antzeko ezaugarriak dituzten beste hiri batzuetako estrategiak aztertzea izan zen, garapen zientifiko eta teknologikoaren gakoak identifikatzeko. Testuinguru horretan, Bröllek Bartzelonako 2024-2027 Zientzia eta Berrikuntza Plan Estrategikoa aurkeztu zuen, lan-ildo nagusiak eta helburu estrategikoak zehaztuz.

Jarraian, Estrategia Bulegoak Zientzia, Ezagutza eta Berrikuntzan erreferenteak diren eta Donostiaren antzeko neurria duten nazioarteko hirien ezaugarriak aurkeztu zituen, eredu horietan sakontzeko.

Aurkezpenaren ondoren, ekaineko lehen bilerako aztergaietan oinarritutako ariketa bat egin zuten parte-hartzaileek, orduan landutako edukia aztertzeko, garrantzia eta gauzatze-maila ebaluatzeko, eta Donostiako garapen zientifiko eta teknologikorako funtsezko lehentasunak nabarmentzeko.

Lantaldea Donostia 2030 Estrategiaren garapenaren eta ebaluazioaren baitan kokatzen da, eta hiriko eragileek partekatzen duten estrategian aurrera egitea eta hiria Zientziaren, Ezagutzaren eta Berrikuntzaren Hiri gisa posizionatzea du helburu.