Berriak

Donostiako Gizarte Kontseiluak urteko hirugarren eta azken osoko bilkura egin du gaur, abenduak 1. Urteko jardunaren balorazioa egiteaz eta ekitaldia ixteaz gain, 2022ko hiritarren ekimen onenaren Gizarte Kontseiluaren I. Sariak banatu dituzte finalisten artean. Daniel Zulaika Kontseiluaren presidenteak gidatu du saioa, Gemma Estevez Gipuzkoako Erizainen Elkargo Ofizialeko presidenteordea eta Eneko Goia Donostiako alkatea alboan zituela, eta hiriko kolektibo ezberdinek egindako lana balioan jarri du.

Donostiako Udaleko Osasun eta Ingurumen Saileko zuzendari Josu Benaitok, Gazte Ekoliderrak 21-22 programako kide Maitane Müllerrek eta Emaus Gizarte Fundazioko marketin-zuzendari eta Donostiako Gizarte Kontseiluko kide Begoña Cabaleirok hartu dute parte Radio San Sebastian irrati-kateko Hoy por Hoy saioan, hiriko egungo kutsadurari buruz hitz egiteko.

Eraldaketa sozialaren inguruko hausnarketa eragiteko asmoz, ASPEGI Gipuzkoako Emakume Profesional, Enpresaburu eta Zuzendarien Elkarteak bederatzigarren Foroa antolatu du. Betan hartu du parte Myrtha B. Casanova Mederos Aniztasuna Kudeatzeko Europako Institutuaren sortzaileak.

Kooperatibismoarekin eta erakunde publiko-pribatuen arteko harremanarekin lotutako gizarte- eta enpresa-berrikuntza eredua ezagutzeko helburuarekin etorri da Japoniako ordezkaritza Gipuzkoara. Atzo, azaroak 14, Mondragon Korporazioaren hainbat egoitza bisitatu zituzten, eta gaur, hilak 15, hiriburuko zentro estrategiko nagusiak ezagutzen ari dira.

SER irrati-kateko Hoy por Hoy San Sebastián saioak Donostiako Udaleko Gizarte Kontseiluaren urteko hirugarren eta azken saioa eskainiko du datorren azaroaren 23an, asteazkenarekin. Hiriaren egungo kutsadura izango dute aztergai gonbidatuek.

Espainiako Ekonomia eta Gizarte Lanetarako Ministerioak gaur goizean jakinarazi du Donostia izango dela 2023ko Gizarte Ekonomiaren Hiriburu. Hiriburutzaren helburua lurraldeko gizarte-ekonomia ikusaraztea, esperientzia garrantzitsuak ezagutaraztea eta erronka nagusien inguruko eztabaida sustatzea da.

Pilar Lekuona Gipuzkoako Erizainen Elkargo Ofizialeko presidenteak, Julio Arrizabalaga Biodonostia Osasun Ikerketarako Institutuko zuzendari zientifiko ohiak eta Itziar Vergara Biodonostia Osasun Ikerketarako Institutuko lehen mailako arretaren arduradunak hartu zuten parte atzo, urriak 18, medikuntzaren azken hamarkadetako aurrerapen nagusiei buruz Donostiako Gizarte Kontseiluak antolatutako topaketan. Tabakalerako Z Aretoan izan ziren, gainera, osasunaren alorreko lurraldeko bost elkargo profesionaletako presidenteak (Medikuntza, Erizaintza, Farmazia, Albaitaritza eta Odontologia).

Donostiako Gizarte Kontseiluaren jarduera-egutegiaren barruan, gure bizitza hobetu duten medikuntzaren aurrerapenen inguruko Topaketa egingo da urriaren 18an, asteartea. Aurrez aurreko eztabaida saioa 18:00etan hasiko da Tabakalerako Z aretoan, eta publiko gisa parte hartu ahal izateko, ezinbestekoa izango da aldez aurretik izena ematea.

Donostiako Gizarte Kontseiluaren Batzorde Iraunkorrak urteko hirugarren eta azken topaketa egin zuen atzo, irailaren 19an. Urteko azken lauhilekorako prestatutako jardueren egutegia izan zuten aztergai, eta Donostiako herritarrei eragiten dien ekimen onena saritzeko asmoz aurten sortutako Gizarte Kontseiluaren Sariaren lehen edizioko irabazlea ebatzi zuten. Garaileak Gizarte Kontseiluaren urteko azken bileran jasoko du garaikurra.