Topaketa Iparraldeko turismo-klusterrak (Goazen), Baionako eta Gipuzkoako merkataritza-ganberek (Bihartean elkartearen bidez) eta Donostiako Udalak (Donostiako Estrategia Bulegoaren bidez) antolatu dute, 2016ko bulegoaren lankidetzarekin.
Euskal Eurohiriaren esparrua, ezbairik gabe, Donostia 2016ko Europako Kultura Hiriburuak ekarriko duen aukera nabarmenetako bat da.
Esparru hau ere sustatu beharreko langune bat da, lankidetzan lan egiteko aukerak gehiago aprobetxatzeko bidea emango duten sinergiak garatuta.
Kultura-hiriburuak denboran zehar jarraitutasuna izango duten proiektuak (legatua) sustatu nahi ditu, eta ez 2016. urtean gertatuko direnak soilik.
Turismoaren sektorean proiektu komunak sustatzea, zalantzarik gabe, gertaera garrantzitsu horrek dakarren aukera nabarmenetako bat da, eta, horrela, inoiz baino beharrezkoagoa den bi aldeetako lankidetza sustatu ahal izango da.
Enpresen eta erakundeen profila askotarikoa da; hala ere, horiek guztiak sektore turistikoaren barnean daude (hotelak, museoak, agentziak, eta antzerakoak dira).
Lehenengo esperientzia honen bidez, bi aldeetako erakundeen eta enpresen arteko lankidetza sustatu nahi da, bai modu indibidualean bai kolektiboagoak diren lankidetzen bidez (esaterako, informazioaren, produktuaren eta antzerakoen alorrean).
Topaketak 2016ko kultura-hiriburuaren aurkezpena egiteko balioko du. Aurkezpena ekimen horretako zuzendari Pablo Berásteguik egingo du eta Euskal eurohiriaren esparruak dakartzan lankidetza kulturalen eta turistikoaren aukerak azpimarratuko ditu, batik bat.
NULL
